Indu sundara

ഇന്ദുസുന്ദര സുസ്മിതം തൂകും
കുഞ്ഞുമുല്ലയെ മാറോടു ചേര്‍ക്കും
മഞ്ജു മാകന്ദ ശാഖി തന്‍ ഹര്‍ഷ
മര്‍മ്മരം കേട്ടു ഞാനിന്നുണര്‍ന്നു,
ഞാനിന്നുണര്‍ന്നു

മാന്തളിരിന്‍റെ പട്ടിളം താളില്‍
മാതളത്തിന്‍റെ പൊന്നിതള്‍ കൂമ്പില്‍
പ്രേമലേഖനം എഴുതും അജ്ഞാത
കാമുകനൊത്തു ഞാനിന്നുണര്‍ന്നു ,
ഞാനിന്നുണര്‍ന്നു
(ഇന്ദു സുന്ദര ...)

കാവുതോറും ഹരിത പത്രങ്ങൾ
പൂവുകൾക്കാലവട്ടം പിടിയ്ക്കെ
ഈ നിറങ്ങള്‍ തന്‍ നൃത്തോത്സവത്തില്‍
ഗാനധാരയായ് ഞാനിന്നുണര്‍ന്നു ,
ഞാനിന്നുണര്‍ന്നു
(ഇന്ദു സുന്ദര ...)