Taaraatt paadeettum

ആരാരിരോ ... ആരിരാരോ....

താരാട്ടുപാടീട്ടും താലോലമാടീട്ടും
എന്മണിക്കുഞ്ഞേ നീയുറങ്ങീലേ
ഇനിയും ഉറങ്ങീലെ?

അമ്പിളിമാമനെ കാട്ടിയാലൊ നിന്റെ
പീലിത്തിരുമുടി ചായ്ചുവല്ലോ
കാച്ചിയപാലിന്‍ പുഞ്ചിരി ചോദിച്ചൊ-
രായിരം വട്ടം ഞാനൂട്ടിയല്ലോ
ഇന്നും ഊട്ടിയല്ലോ

നാളത്തെ രാജാവായ് നീവളരാനമ്മ
കണ്ണീരും കയ്യുമായ് നോറ്റിരുപ്പൂ
നിന്റെ സാമ്രാജ്യത്തില്‍ അമ്മയ്ക്കുമിത്തിരി
തലചായ്ക്കാന്‍ നീ ഇടം തരണേ
എന്നും ഇടം തരണേ