Beqraar dil, too gaaye jaa, khushiyon se bhare vo taraane

beqrār dil, tū gāye jā
khuśhiyoṅ se bhare vo tarāne
jinheṅ sun ke duniyā jhūm uṭhe
aur jhūm uṭhe dil dīvāne
beqrār dil …

rāg ho koī milan kā, sukh se bharī sargam kā
yug-yug ke baṅdhan kā, sāth ho lākhoṅ janam kā
aise hī bahāreṅ gātī raheṅ, aur sajte rahe vīrāne
jinheṅ sun ke …

rāt yūṇ hī tham jāyegī, rut ye haṅsīṅ muskāegī
baṅdhī kalī khil jāyegī, aur śhabnam śharmāyegī
pyār ke vo kaise nagme, jo ban jāyeṅ afsāne
jinheṅ sun ke …

dard meṅ ḍūbī dhun ho, sīne meṅ ik sulgan ho
sāṅsoṅ meṅ halkī chubhan ho, sahmī huī dhaṛkan ho
dohrāte raheṅ bas gīt ye ā, duniyā se raheṅ begāne
jinheṅ sun ke …