Neela viriyitta

നീലവിരിയിട്ട നീരാളമെത്തയില്‍
വീണുറങ്ങുന്ന നിലാവേ
നിന്‍ വരവുംകാത്തിരിക്കുകയാണു ഞാന്‍
നീളും നിഴലുമായ് താഴെ (നീലവിരിയിട്ട)

പാടിത്തളരുന്നു രാക്കുയില്‍ - ഈ നല്ല
വാടിക വാടിത്തുടങ്ങി (പാടിത്തളരുന്നു)
കണ്ണുകള്‍ രണ്ടും നിറയുകയാലെന്റെ
കാഴ്ച്ചയും മങ്ങിത്തുടങ്ങി (നീലവിരിയിട്ട)

നീ വന്നു പാടുമെന്നാശിച്ചു ഞാനെന്റെ
വീണതന്‍ കമ്പി മുറുക്കി (നീ വന്നു)
എല്ലാമറിഞ്ഞിട്ടും ഒന്നുമറിയാതെ
ഉല്ലാസമായ് നീ ഉറങ്ങി (നീലവിരിയിട്ട)