Maanattu kaaru kandu

മാ‍നത്തുകാറുകണ്ട് മദംകൊണ്ട മയിലിനെപ്പോല്‍
മതിമറന്നാടിയൊരു മധുരാംഗിയാള്‍

പീലിച്ചുരുള്‍ നിവര്‍ത്തി പേലവച്ചുണ്ടുയര്‍ത്തി
പേശലമേനിയാള്‍ കേകിയാടിനാള്‍

കാതരമിഴിയിളക്കി കരുണാരസമൊഴുക്കി
കാടിന്‍ കരള്‍പോലെ കളിയാടി
കാതരമിഴിയിളക്കി കളിയാടി
പേടിച്ചോടിയൊളിച്ചും ചാടിത്തുള്ളിക്കളിച്ചും
കലമാന്‍പിടയേപ്പോല്‍ കളിയാടി
കാതരമിഴിയിളക്കി കളിയാടി

കുഴല്‍നാദം കേട്ടു കരളുകുളിര്‍ത്തു
തലപൊക്കിയാടും നാഗം പോല്‍
തളിര്‍മെയ് കുഴഞ്ഞു തറയില്‍ ഇഴഞ്ഞു
തരളമിഴിയാള്‍ ആടിനാള്‍