സ്വപ്നലേഖേ നിന്റെ സ്വയംവരപ്പന്തലില്‍ ഞാന്‍
പുഷ്പകപ്പല്ലക്കില്‍ പറന്നുവന്നു എന്റെ
മംഗള ശീതള മാല ചാര്‍ത്താന്‍ ഭവാന്‍
മത്സരക്കളരിയില്‍ ജയിച്ചുവന്നു
ഇന്നെന്റെ ചിത്രഹര്‍മ്മ്യ പൂമുഖത്തിരുന്നൊരീ
ഇന്ദ്രചാപം കുലച്ചൂ അങ്ങുവ-
ന്നിന്ദ്രചാപം കുലച്ചൂ
ആ വില്ലിന്‍ സ്വര്‍ണ്ണഞാണില്‍ തൊടുക്കാന്‍ നീ നിന്റെ
പൂവമ്പു തരുമോ ഭൂമിപുത്രീ?
ആര്യപുത്രാ വരൂ.. എന്റെ
അര്‍ഘ്യപദ്യാദികള്‍ സ്വീകരിക്കൂ...
ഓ...ഓ......
സ്വപ്നലേഖേ......
മേലാകെ പൂത്തുപൂത്തു ഞാന്‍ തന്നെയൊരു വന-
മാലയായ് മാറിയാലോ -താമര
മാലയായ് മാറിയാലോ?
ആമാല മാറിലിട്ടു നടക്കും ഞാനെന്റെ
രോമാഞ്ചമാകും രാജപുത്രീ
ആര്യപുത്രാ വരൂ .... എന്റെ
അന്തഃപുരം ഭാവാനലങ്കരിക്കൂ
