നന്ദനവനത്തിലെ പുഷ്പങ്ങളേ
സുന്ദരമദാലസപുഷ്പങ്ങളേ
മൂകരാഗം വണ്ടുകള്‍ പുല്‍കിയുണര്‍ത്തും
സ്വപ്നനൃത്തലോലകളേ പുഷ്പങ്ങളേ (നന്ദനവനത്തിലെ)
ചൈത്രമാസത്തേരിലെ
തുടുത്ത തേന്‍ കുടങ്ങളേ
ദു:ഖത്തിന്‍ മരുഭൂമിയില്‍
മുടന്തിവീഴും പൂക്കളേ
കണ്ണുനീര്‍മുകില്‍ നനയ്ക്കും പൂക്കളേ
എന്തിനായ് വിരിഞ്ഞു നിങ്ങള്‍ പൂക്കളേ (നന്ദനവനത്തിലെ)
വസന്തത്തിരുനാളിലെ
പൂനിലാക്കുളിര്‍ച്ചോലയിലെ
ഇത്തിരിമൊട്ടു ചിരിക്കുന്നൂ
മറ്റൊരു മൊട്ടു കരയുന്നൂ
കാറ്റിലൂയലാടിടും പുഷ്പങ്ങളേ
മുത്തണിച്ചിലമ്പു ചാര്‍ത്തൂ പുഷ്പങ്ങളേ (നന്ദനവനത്തിലെ)
