Tenaanunin svaram [M]

തേനാണു നിന്‍ സ്വരം പാട്ടുകാരി
പൂവാണു നിന്‍ മനം കൂട്ടുകാരി
രാഗം വിടരുന്ന നിന്‍ മനസ്സില്‍
അനുരാഗമായി ഞാനലിഞ്ഞോട്ടേ അലിഞ്ഞോട്ടേ
// തേനാണു.........//

നാവില്ലായെങ്കില്‍ നിന്നുടെ ആത്മാവില്‍‌
നാദമായി ഞാന്‍ വിടരും (2)
ഒരു മാത്ര നേരവും പിരിയാതെ നിന്നുടെ
മണിമാറില്‍ ഞാന്‍ പടരും (2)
// തേനാണു.........//

ഒരു പൂ വിടരുമ്പോള്‍ നിന്‍ ഹൃദയത്തില്‍ ഞാന്‍
ആയിരം പൂ വിടര്‍ത്തും പതിനായിരം പൂ വിടര്‍ത്തും
അഴകിന്‍റെ രാഗങ്ങള്‍ ചാലിച്ചെടുത്തു ഞാന്‍
മനസ്സില്‍ തിരി കൊളുത്തും (2)
// തേനാണു.........//