വസന്തകാലം വരുമെന്നോതി
വാസനപ്പൂന്തെന്നല് ഈവഴിപോയ്
കരിഞ്ഞ ചില്ലയില് കാവലിരിക്കും
കതിരുകാണാക്കിളി പാടി
വേനല് പോയീ - ഇണക്കിളീ (വസന്തകാലം)
മൂവന്തിയണിയും സന്ധ്യാരാഗം
മുളങ്കാടിളകും മുരളീഗാനം
എന്നുമവളോടു ചൊല്ലിയിരുന്നൂ
എന്നെങ്കിലും പൂക്കള് വിടരും
അന്നു നിന് ചില്ലയും പൂക്കും
കണ്ണീര് കുടിച്ചവള് കാത്തിരുന്നു..ഓ.. (വസന്തകാലം)
പൂവാരിയെറിയും പുലരീമേഘം
കളകളമൊഴുകും അരുവീഗീതം
എന്നുമവളോടു ചൊല്ലിയിരുന്നു
എന്നെങ്കിലും രാഗം വിടരും
അന്നു നിന്നധരവും പാടും
കണ്ണീര് കുടിച്ചവള് കാത്തിരുന്നു..ഓ.. (വസന്തകാലം)
വേനല് പോയീ - ഇണക്കിളീ