വൈഡൂര്യ കമ്മലണിഞ്ഞ് വെണ്ണിലാവു രാവില് നെയ്യും
പൂങ്കോടി പാവുടുക്കണ പൊന്മാനേ
മിന്നായ പൂങ്കവിളില് മിന്നി മാഞ്ഞതെന്താണ്
കല്ല്യാണ നാളിന്റെ സ്വപ്നങ്ങളോ
ആരാരും കാണാത്ത വര്ണ്ണങ്ങളോ
(വൈഡൂര്യ കമ്മലണിഞ്ഞ് ......)
മാമയില് പീലി ചൂടും വാൽക്കണ്ണിൽ ഇന്ന്
മയ്യെഴുതും പൊന് കിനാവുകള് എന്താണ്
പാലൊളി തിങ്കള് പൂക്കും നിന്നുള്ളിൽ മെല്ലെ
പൂങ്കുയിലായ് പാടി നില്ക്കുവതാരാണ്
ഇന്നോളം നുള്ളാച്ചെപ്പില് ചിന്തൂരം ചിന്തുന്നേ
പുഞ്ചിരി ചെണ്ടിന്മേല് കല്ക്കണ്ടം വിളയുന്നേ
കാര്മുകില് മായും നാളുകളായ്
പൊന്മാനെ നിന്നെ തേടി മാംഗല്യം വന്നല്ലോ
താലോലം തങ്കത്തേരില് സൗഭാഗ്യം വന്നല്ലോ
(വൈഡൂര്യ കമ്മലണിഞ്ഞ് ......)
രാവുറങ്ങുന്ന നേരം നിന്നുള്ളില് മൂളി
പാറിയെത്തും വെൺപിറാവുകള് ഏതാണ്
നീ തനിച്ചാവുമ്പോള് നിന് കാതില് മെല്ലെ
മുത്തുതിരും സ്നേഹമാം മൊഴിയേതാണ്
വെള്ളാരം കുന്നുമേലെ കൂടാരം കെട്ടുമ്പോള്
കിക്കിളി കുളിരൂട്ടി കിന്നാരം ചൊല്ലുമ്പോള്
കൂട്ടിനു പോരാന് ആരാണ്
മഞ്ചാടി കൊമ്പത്തെ ചിങ്കാര തത്തമ്മേ
മഴവില്ലിന് കൂട്ടില് കൂട്ടായ് പൂമാരന് വന്നല്ലോ
(വൈഡൂര്യ കമ്മലണിഞ്ഞ് ......)