ഏഴു കടലോടിവന്ന പട്ട്
പച്ചോലപ്പട്ട് ചുളിയും തീര്‍ത്ത് - (ഏഴു )
പൂക്കുലഞൊറിവെച്ചുടുക്കുന്നുണ്ട് - പിന്നെ
പൊന്‍ തോടയിട്ടു ചമയുന്നുണ്ട് (പൂക്കുല)
കോട്ടം പടിവെച്ച പൊന്നരഞ്ഞാണ്‍ പിന്നെ
മീതെയഴകിന്നു പൂട്ടുന്നുണ്ട് (കോട്ടം)
ഏഴു കടലോടിവന്ന പട്ട്
പച്ചോലപ്പട്ട് ചുളിയും തീര്‍ത്ത്
മാറത്തു മണിമാല താലിമാല പൊന്നിന്‍ -
പാലയ്ക്കാ മോതിരം കെട്ടുന്നുണ്ട് (മാറത്ത്)
കൈത്തണ്ടില്‍ രണ്ടിലും കനകക്കാപ്പ്
രാമായണം കൊത്തിവെച്ച കാപ്പ്
പുടമുറിക്കു നേരമായി പെണ്ണേ
പൂമാല ചൂടിയ പുതുമണവാട്ടീ
പുടമുറിക്കു നേരമായി പെണ്ണേ
പൂമാല ചൂടിയ പുതുമണവാട്ടീ
ഏഴു കടലോടിവന്ന പട്ട്
പച്ചോലപ്പട്ട് ചുളിയും തീര്‍ത്ത്
