Enre manassiloru naanam

എന്തേ മനസ്സിലൊരു നാണം
ഓ എന്തേ മനസ്സിലൊരു നാണം
പീലിത്തൂവല്‍പ്പൂവും നുള്ളി
പ്രേമലോലനീവഴി വരവായ്

(എന്തേ)

പൂമ്പുള്ളിമാനായ് നീയെന്റെയുള്ളില്‍
തൂവള്ളിക്കുടിലിലൊളിച്ചില്ലേ
ഗാനമൈനയായ് നീയെന്നില്‍
തളിരൂയലാടുകയല്ലോ
എന്‍ പൂവനി തേടുകയാണല്ലോ

തുമ്പീ പവിഴമണിത്തുമ്പീ
ഓ തുമ്പീ പവിഴമണിത്തുമ്പീ

നിന്‍ മേനിയാകും പൊന്‍‌വീണ മീട്ടി
എന്‍ മോഹമിനിയും പാടുമ്പോള്‍
ജീവനായകാ പോകല്ലേ
നീ ദേവകിന്നരനല്ലേ
നിന്‍ ചിരിമലരെന്നുടെ കുളിരല്ലേ

(എന്തേ)