Moham idalitta poovu

മോഹമിതളിട്ട പൂവ്
ദാഹാര്‍ത്തമാമൊരു നാവ്
പൂവിതളില്‍ നിന്നിറ്റീ നാവിലലിയാരാഞ്ഞ
തേന്‍തുള്ളി എന്നില്‍ കിനാവ്
മോഹമിതളിട്ട പൂവ്

നഭസ്സിന്റെ വീണയില്‍ ധ്വനി തുളുമ്പീ
മകരന്ദ ബിന്ദുവില്‍ കടലിരമ്പീ
ഒരു ഞൊടിയിടയില്‍ ഇടിമുഴങ്ങീ
അപരലോകത്തില്‍ പൊയ് ഞാനമര്‍ന്നു
(മോഹമിതളിട്ട പൂവ്.......)

ഇരുവര്‍ണ്ണത്തുകിലാകും രാപ്പകലാല്‍
എന്നെ പുതയ്ക്കാതെ ഓടിയപ്പോള്‍
ഹൃദയത്തിലോളം തുളുമ്പുമെന്നോര്‍മ്മയില്‍
മധുരമോ കയ്പ്പോ മനംമടുപ്പോ...
(മോഹമിതളിട്ട പൂവ്.......)