തങ്കവിളക്കത്ത് ചിങ്ങനിലാവത്ത്
തക്കിളി നൂല്ക്കും താരങ്ങളേ
പാവങ്ങളല്ലല്ലോ നിങ്ങള്
പട്ടിണിക്കാരല്ലല്ലോ (തങ്കവിളക്കത്ത്)
പാല്ക്കഞ്ഞി വിളമ്പിത്തരുവാന്
പൌര്ണ്ണമിയുണ്ടല്ലോ - അവിടെ
പൌര്ണ്ണമിയുണ്ടല്ലോ
പാവാടത്തുണി തുന്നിത്തരുവാന്
പൊന്മുകിലുണ്ടല്ലോ
മനസ്സിനുള്ളില് കല്ലറ കെട്ടിയ
മനുഷ്യരില്ലല്ലോ അവിടെ
മനുഷ്യരില്ലല്ലോ
ദേവാലയങ്ങളിലവരുണ്ടാക്കിയ
ദൈവങ്ങളില്ലല്ലോ
ദൈവങ്ങളില്ലല്ലോ (തങ്കവിളക്കത്ത്)
മത്സരത്തിന് മന്ത്രം ചൊല്ലാന്
മതങ്ങളില്ലല്ലോ
നാലും കൂടിയ കവലകള് തോറും
നേതാക്കളില്ലല്ലോ നേതാക്കളില്ലല്ലോ
ആകാശത്തിലെ മുത്തുകളും
കൊണ്ടോടിവന്നാട്ടേ നിങ്ങള്
ഓടിവന്നാട്ടേ
പാവപ്പെട്ടവര് ഞങ്ങള്ക്കെല്ലാം
പകുത്തു തന്നാട്ടേ
പകുത്തു തന്നാട്ടേ (തങ്കവിളക്കത്ത്)