Svarannal paadasarannalil

സ്വരങ്ങള്‍ പാദസരങ്ങളില്‍
Work
Year
Language

സ്വരങ്ങള്‍ പാദസരങ്ങളില്‍
സപ്തസ്വരങ്ങള്‍ നീലമിഴിയിണയില്‍
അമരേന്ദ്രനുള്ളില്‍ അമൃതം പകര്‍ന്നിടും
അഴകിന്റെ പൊന്നിന്‍ കിരണങ്ങള്‍ ഞങ്ങള്‍
അനുരാഗസംഗീതലോലകള്‍...
അഖിലകലകളുണരും ഈ വിപഞ്ചികയില്‍..
(സ്വരങ്ങള്‍...)

യക്ഷകിന്നര ഗന്ധര്‍വ്വഗണങ്ങള്‍
പുഷ്പവൃഷ്ടി ചൊരിയും ഈ സദിരില്‍
അഷ്ടദിക്‍പാലകര്‍ അനുഗ്രഹമരുളും
ഈ സദിരില്‍...
മൃദംഗതാളം പൊന്‍‌തുടിഘോഷം
ഗഗനഗംഗയില്‍ തരളിതമാലതന്‍
ജലതരംഗമേളം (സ്വരങ്ങള്‍...)

അപ്സരമോഹന ബന്ധുരനടനം
സ്വപ്‌നകേളിയുണര്‍ത്തും ഈ ശ്രുതിയില്‍
സപ്തഋഷിജാലവും തപസ്സില്‍‌നിന്നുണരും
ഈ ശ്രുതിയില്‍...
തരംഗലോലം തംബുരുനാദം...
രജതനൂപുരശിഞ്ജിതധാരയില്‍
രതിയുണര്‍ന്ന രാഗം (സ്വരങ്ങള്‍...)

svaraṅṅaḽ pādasaraṅṅaḽil
saptasvaraṅṅaḽ nīlamiḻiyiṇayil
amarendranuḽḽil amṛtaṁ pagarnniḍuṁ
aḻaginṟĕ pŏnnin kiraṇaṅṅaḽ ñaṅṅaḽ
anurāgasaṁgīdalolagaḽ...
akhilagalagaḽuṇaruṁ ī vibañjigayil..
(svaraṅṅaḽ...)

yakṣaginnara gandharvvagaṇaṅṅaḽ
puṣpavṛṣṭi sŏriyuṁ ī sadiril
aṣṭadikpālagar anugrahamaruḽuṁ
ī sadiril...
mṛdaṁgadāḽaṁ pŏn‌tuḍighoṣaṁ
gaganagaṁgayil taraḽidamāladan
jaladaraṁgameḽaṁ (svaraṅṅaḽ...)

apsaramohana bandhuranaḍanaṁ
svap‌nageḽiyuṇarttuṁ ī śrudiyil
saptaṛṣijālavuṁ tabassil‌ninnuṇaruṁ
ī śrudiyil...
taraṁgalolaṁ taṁburunādaṁ...
rajadanūburaśiñjidadhārayil
radiyuṇarnna rāgaṁ (svaraṅṅaḽ...)