പോകാതെ പോകാതെ
നീ പെൺകിടാവേ
അനുരാഗ വനിയിലെ
അരിമുല്ലപ്പൂവേ...
പോകാതെ പോകാതെ
നീയെന്‍ കിനാവേ...
പൊലിയുമെന്‍ മനസ്സിലെ
മലർ‌വെണ്ണിലാവേ...
(പോകാതെ....)
കാട്ടില്‍ കരിങ്കുയില്‍ കൂകുന്ന നേരത്തു്
കൂടെ നീ പാടാറില്ലേ...തങ്കം
കൂടെ നീ പാടാറില്ലേ......(കാട്ടില്‍..)
അരികില്‍ ഞാനെത്തുമ്പോള്‍
ഈ കൈകളാലൊരു
മാല നീ ചാർ‌ത്താറില്ലേ...എന്നെ
മാല നീ ചാർ‌ത്താറില്ലേ...
(പോകാതെ....)
പണ്ടൊക്കെ ഞാനൊന്നു
പാടുവാന്‍ പറയുമ്പോള്‍
പാട്ടിന്റെ പുഴയൊഴുകും
നിന്‍ ചുണ്ടില്‍...
പാട്ടിന്റെ പുഴയൊഴുകും..(പണ്ടൊക്കെ..)
ഇന്നു ഞാന്‍ പാടുമ്പോള്‍
നിന്നുടെ ഹൃദയത്തിന്‍
തുടിപ്പുകള്‍ താളമിടും..ചേലില്‍
പ്രേമത്തിന്‍ താളമിടും...
(പോകാതെ....)
