ചിരിക്കുമ്പോള് നീ ചിത്രാംഗദ
സ്വപ്നലോലയാം മുഗ്ദ്ധാംഗന
അര്ജ്ജുനനായ് ഞാനണയുന്നു നിന്
പുഷ്പശയനത്തില് വീണുറങ്ങാന്
ചിരിക്കുമ്പോള് നീ ചിത്രാംഗദ
ശ്രീകോവില് ശില തോല്ക്കും ഉടലഴകാല്
നീ രതി ദേവിയായ് മാറി
(ശ്രീകോവില് )
മുഖശ്രീയാല് ഓമന ഉര്വ്വശിയായ്
ചലനത്തിന് കവിതയാല് മേനകയായ്
ഉര്വ്വശീ മേനകാ രംഭാ തിലോത്തമാ
ആരല്ല നീ അഴകെല്ലാം നീ
ചിരിക്കുമ്പോള് നീ ചിത്രാംഗദ
കാര്കൂന്തല് അഴിഞ്ഞാടും കരിനാഗം പോല്
കാമിനീ ദ്രൗപതിയാകും
(കാര്കൂന്തല് )
ശാലീന നോട്ടത്താല് സീതയാകും
വിരഹത്തിന് കദനത്താല് രാധയാകും
ദ്രൗപതീ ജാനകീ രാധികാ പാര്വ്വതീ
ആരല്ല നീ അഴകെല്ലാം നീ
(ചിരിക്കുമ്പോള്)
ഉഉംഹും.....