Ponnil kulicca raatri

പൊന്നില്‍ കുളിച്ച രാത്രി
പുളകം വിരിഞ്ഞ രാത്രി
ഈറന്‍ നിലാവും തേന്മലര്‍ മണവും
ഇക്കിളി കൂട്ടുന്ന രാത്രി

മലരിട്ടു നില്‍ക്കുന്നു മാനം
മൈക്കണ്ണിയാളേ നീയെവിടെ
ചിറകിട്ടടിക്കുന്നു മോഹം
ചിത്തിരക്കിളിയേ നീ എവിടെ?
ഓ...ഓ...
(പൊന്നില്‍ കുളിച്ച...)

നാളത്തെ നവവധു നീയെ?
നാണിച്ചു നില്‍ക്കാതെ നീ വരുമോ
കോരിത്തരിക്കുന്നു ദേഹം കാണാക്കുയിലേ നീ വരുമോ?
ഓ....ഓ.....
(പൊന്നില്‍ കുളിച്ച...)