ഈ പാൽ‌ത്തൂവലും ഏതോ നിഴല്‍ച്ചായവും
നിന്‍ പൊന്നോര്‍മ്മയില്‍ മായാലയം ചാർ‌ത്തവേ
ഈ ചില്ലോലയൂഞ്ഞാലയില്‍
തൂവും മഞ്ഞിന്റെ മുത്താരമായ്
പോരൂ.....പോരൂ.....
ആകാശതീരങ്ങള്‍ തേടി....
ഈ പാൽ‌ത്തൂവലും ഏതോ നിഴല്‍ച്ചായവും
ഈ വിൺകോണില്‍ പൂക്കുന്ന താരാഗണം
നീയെന്‍ കണ്ണില്‍ കോര്‍ക്കുന്ന ദീപാങ്കുരം
നിലാത്തുള്ളിയായ് തൊടാൻ മിന്നൽത്തടം
സ്വരാലാപമായ് തരാം പൈന്തേന്‍കണം
പോരൂ.....പോരൂ.....
ഈ രാഗഭാവങ്ങള്‍ തേടി....
ഈ പാൽ‌ത്തൂവലും ഏതോ നിഴല്‍ച്ചായവും
ഈ പൂങ്കാറ്റിന്‍ കാണാത്തളിർപ്പൊയ്കയില്‍
നീ ഞാന്‍ തേടും...മായാമരാളങ്ങളായ്
നിലാച്ചില്ലയില്‍ പറന്നേറാം സ്വയം
കിനാത്തുമ്പിയായ് പതിഞ്ഞാടാം പദം
പോരൂ.....പോരൂ.....
ആലോലമാനങ്ങൾ തേടി...
ഈ പാൽ‌ത്തൂവലും ഏതോ നിഴല്‍ച്ചായവും
നിന്‍ പൊന്നോര്‍മ്മയില്‍ മായാലയം ചാർ‌ത്തവേ
ഈ ചില്ലോലയൂഞ്ഞാലയില്‍
തൂവും മഞ്ഞിന്റെ മുത്താരമായ്
പോരൂ.....പോരൂ.....
ആകാശതീരങ്ങള്‍ തേടി....
