ചന്ദനത്തെന്നലായു് ഞാന് നിന്റെ ലോലമാം
ചാമരത്തിരുമുടിയില് തൊട്ടു
മാറില് മയങ്ങുന്നൊരുണ്ണിയായു് ഞാന്
നിന്റെ താരാട്ടുപാട്ടില് ലയിച്ചു
ഒരു കുഞ്ഞു പൈതലായു് ഞാന് ഇനിയുമമ്മേ
നിന് മടിത്തട്ടില് മയങ്ങട്ടെയോ
(ചന്ദനത്തെന്നലായു് ......)
ഓര്മ്മ തന് പാതിരത്തോണീല് കൊളുത്തുന്നൊ -
രോടല് വിളക്കിന്റെ നാളമായു് നീ
(ഓര്മ്മ തന് )
പാതിയും പിന്നിട്ട വഴികള് ഞാന് കൈവിട്ട
പാഴു്നിലാപ്പക്ഷി തന് തൂവലായി
ഒരു കുഞ്ഞു പൈതലായു് ഞാന് ഇനിയുമമ്മേ
നിന് മടിത്തട്ടില് മയങ്ങട്ടെയോ
(ചന്ദനത്തെന്നലായു് ......)
തൂവെയില് വീണു നിന് നെറ്റിമേല് പൊള്ളവേ
തൂവേര്പ്പു തുള്ളികള് ഞാന് തുടയ്ക്കാം
വെണ്ണിലാച്ചന്ദനം തൊട്ടു ഞാന് നിന്നുടെ
മെയ്യില് തണുപ്പിന് തലോടലാവാം
ഒരു കുഞ്ഞു പൈതലായു് ഞാന് ഇനിയുമമ്മേ
നിന് മടിത്തട്ടില് മയങ്ങട്ടെയോ
(ചന്ദനത്തെന്നലായു് ......)