സംഗീതമേ നിന്റെ ദിവ്യസൗഭാഗ്യത്തിന്
സന്ദേശമായ് ഞാനുണര്ന്നുവെങ്കില്
പാഴിരുള് മൂടിയ മാനസസാനുവില്
പാല്ക്കതിരായി പടര്ന്നുവെങ്കില്
(സംഗീതമേ...)
നിത്യദുഃഖത്തിന് കയങ്ങളില് പൂവിടും
നീര്മലരായെങ്കില്, ഞാനൊരു
നീര്മലരായെങ്കില് (നിത്യദുഃഖത്തിന്)
കൊഞ്ചുന്ന പൈതലിന് ചെഞ്ചുണ്ടിലൂറുന്ന
ശിഞ്ജിതമായെങ്കില്, ഞാനൊരു
ശിഞ്ജിതമായെങ്കില്....
(സംഗീതമേ...)
പൊള്ളുന്ന വേനലില് നീറും മനസ്സിലെ
തേന്മാരിയായെങ്കില്, ഞാനൊരു
തേന്മാരിയായെങ്കില് (പൊള്ളുന്ന)
വിണ്ണിന്റെ കലയായ് പിറന്ന ഞാന്
നാളത്തെ പൗർണ്ണമിയായെങ്കിൽ
ഞാനൊരു പൗർണ്ണമിയായെങ്കിൽ..
(സംഗീതമേ...)