കുളക്കോഴി കുണുക്കിട്ടു
കുരുവികൾ കുരവയിട്ടു
വെറുതേ ചിലക്കും മുത്തശ്ശിക്കിളി വെറ്റിലപ്പാക്ക് തരാം
ഇന്നു പെരുന്നാള് കുഞ്ഞരിപ്രാവേ വാ
പൊന്നും കുരുത്തോലേം കൈയ്യിലെടുത്തേ വാ
തള്ളപ്പിടക്കോഴീ പിള്ളാരെവിടെപ്പോയ്
ഒരു പാട്ടു പാടാം നല്ല പിറന്നാൾ
പുന്നാരക്കണ്മണിയ്ക്ക്
കളിക്കൂട്ടുകാരെല്ലാരും പിറന്നാളു കൂടാൻ വാവാ
മലർത്തുമ്പിമോളേ തേൻ തരൂ
തളിർത്തൊട്ടിലാടും തത്തേ തനിച്ചല്ല നീ പോരേണ്ടൂ
വിളിക്കൂ നിൻ കൊഞ്ചും കൂട്ടരേ
അയൽക്കാരി മൈനേ നീ വാ
വയല്പൂവിൻ തോഴീ വാ വാ
ഇവൾ നിന്റെ ഓമൽക്കണ്മണീ
കതിർ കൊത്തിപ്പറക്കുന്ന മുളംതത്തേ പനംതത്തേ
തടുക്കിട്ടിന്നിരുന്നാട്ടേ
ഇനിയെന്റെ അനിയത്തി പ്രാവിന്റെ പിറന്നാളിന്നൊരു പാട്ടിനിരുന്നാട്ടേ
(കുളക്കോഴി...)
കിളിച്ചുണ്ടൻ മാവിൻ കൊമ്പിൽ ചിലു ചിലം തുള്ളിയാർക്കും
വിറവാലൻ അണ്ണാർക്കണ്ണാ വാവാ
കൊതിപ്പിക്കും മണം പേറും മധുവൂറും മാമ്പഴങ്ങൾ
ഇവൾക്കു നീ എറിഞ്ഞു തരൂ
മണിപ്പീലിയോല തുള്ളി
മദിക്കുമീ തെങ്ങിൻ തൈകൾ നിനക്കായി നേരും മംഗളം
തിരുവാഴ്ത്തു പാടിയിന്നു പിറന്നാളിൻ വിരുന്നുണ്ണാൻ
വരുന്നല്ലോ മാലാഖമാർ
മൊഴിയായിത്തുളുമ്പാത്തൊരഴകിന്റെ അലയാഴി
തുടിക്കുന്ന മനസ്സല്ലേ
(കുളക്കോഴി...)
