ചന്ദനവർണ്ണപ്പൊട്ടിട്ടും ചിന്ദൂരച്ചാന്തിട്ടും
മന്ദാരപ്പൂനുള്ളി പുലരിയൊരുങ്ങുമ്പോൾ
തിങ്കളുറങ്ങും മാനത്തും തേൻ പെയ്യും തീരത്തും
താലിപ്പൂ മുത്തേ വാ...താലോലം പാടാൻ...
(ചന്ദനവർണ്ണപ്പൊട്ടിട്ടും...)
മാംഗല്യത്തിൻ മൃദു മന്ത്രം ചൊല്ലാൻ
കൂടെ പോന്നൂ വസന്ത കോകിലം...
ചന്ദനവർണ്ണപ്പൊട്ടിട്ടും....
കാണേ തിരിനീളും നറുതിങ്കൾ കൈത്തിരിയിൽ
ഒളി മിന്നും സ്നേഹത്തിൻ പൊൻനാളം...
ആരോ വിരൽ ചേർക്കും മണിവീണക്കമ്പികളിൽ
ശ്രുതിചേരും പുണ്യത്തിൻ ശ്രീരാഗം
ഉള്ളിലൊരുക്കും സുഗന്ധച്ചെപ്പുതുറക്കുമ്പോൾ
ചുണ്ടിലൊളിക്കും മരന്ദ ചിന്തു തുളുമ്പുമ്പോൾ
കൈ മാറി നാം തമ്മിൽ കാണാമാല്യം...
ഈ മലർക്കിനാക്കൾ കൊരുത്തു വെയ്ക്കും
മംഗലമാല്യം....
(ചന്ദനവർണ്ണപ്പൊട്ടിട്ടും...)
മഞ്ഞിൻ കുട ചൂടി മഴവില്ലും മണിവെയിലും
പുലർകാലം നെയ്യുന്നൂ പൂപ്പന്തൽ...
കാണാക്കിളി പാടി തൈവാഴപ്പൂങ്കുടിലിൽ
കതിരോലത്തുമ്പിക്കും കല്യാണം...
നാക്കിലമേലേ നിലാവിൻ നിറപറ വെയ്ക്കേണം
കുങ്കുമ കളഭം തളിക്കാൻ അമ്പിളിയും വേണം
നന്തുണിയിൽ നാടൻ പാട്ടിൻ തേരും വേണം
ഈ മനസ്സിനുള്ളിൽ കൊളുത്തി വെയ്ക്കാൻ
സ്വപ്നം വേണം....
(ചന്ദനവർണ്ണപ്പൊട്ടിട്ടും...)
