പുത്തന്മല നിരത്തി തെയ്യന്നം
പൊന്മണിവിത്തിറക്കി
കന്നിവിള പറിച്ചേ സാമിക്കു
കാണിക്കയായി വെച്ചേ
ആരെല്ലാം വന്നു ആരെല്ലാം വന്നു
എന്തെല്ലാം എന്തെല്ലാം കൊണ്ടുവന്നു
ഞങ്ങളും വന്നേ ഞങ്ങളും വന്നേ
കന്നിവിളയെല്ലാം കൊണ്ടുവന്നേ
വേലമ്മലയിലെ സുന്ദരിപ്പെണ്ണേ
നീയെന്തു കൊണ്ടുവന്നു
നീലക്കരിമ്പിന്റെ ശര്ക്കരക്കട്ട
തൊനേ കൊണ്ടുവന്നു
കരിമലക്കാരി കണിവെച്ചതെന്തേ
ചക്കരമാങ്ങയാണേ
തെമ്മലക്കാരി കണിവെച്ചതെന്തേ
നാലഞ്ചു തേങ്ങയാണേ
ഏതു മലയിലെ പെണ്ണാണിവള്
ചോതിമലയന്റെ പുത്തരിമോളു്
എന്തു നീ കാഴ്ച വെച്ചു
നെന്മണിക്കറ്റ വെച്ചു
തുള്ളടി തുള്ളടി വേടത്തിപ്പെണ്ണേ
ചുമ്മാതെ നില്ക്കാതെ പേടമാന് കണ്ണേ
ആടടി പാടടി സന്തോഷിക്കടി
സ്വാമിദരിശനം തന്നേ
ചിന്തുകളിക്കടാ ശിങ്കക്കുറവാ
ശിങ്കാരവേലനേ പോകാതെ വാ
തിന്തിനം താരിനം തിന്തിനം താരിനം
സ്വാമിദരിശനം തന്നേ
പുത്തന് മലനിരത്തി തെയ്യന്നം
പൊന്മണി വിത്തിറക്കി
കന്നിവിള പറിച്ചേ സാമിക്കു
കാണിക്കയായി വെച്ചേ