പുല്ലാനിവരമ്പത്തു് പൂക്കൊന്നക്കൊമ്പത്തു്
നെല്ലോലക്കുരുവികള് കൂടുവെച്ചു - രണ്ടു
നെല്ലോലക്കുരുവികള് കൂടുവെച്ചു
കൂടിന്നുമേക്കട്ടി കുരുത്തോല
പാടത്തെപഴംപായല് തഴപ്പായ
(പുല്ലാനി)
തേനുണ്ണാന് പോയതും തെനതിന്നാന് പോയതും
തെമ്മാങ്കുപാടിയതും ഒരുമിച്ചാണേ - അവര്
തെമ്മാങ്കുപാടിയതും ഒരുമിച്ചാണേ
പൂവനും പിടയുമായു് കിനാവു കണ്ടു
ദൂരത്തു് കതിര് കൊയ്യാന് പോയി പൂവന്
കാലത്തു വന്നപ്പോള് കൂടില്ലാ പിടയില്ലാ
കോലോത്തെത്തമ്പ്രാന്റെ ചിരിമാത്രം - കഷ്ടം
കോലോത്തെത്തമ്പ്രാന്റെ ചിരിമാത്രം
പൂവന്റെ നെഞ്ചത്തു് കനലാണേ
അരമനയ്ക്കകത്തൊരു മുളങ്കൂട്ടില്
ഇണയുടെ ചിറകടി കേട്ടില്ലാരും
കേട്ടില്ലാരും