Toomanyanyau toogunna

തൂമഞ്ഞു തൂകുന്ന ചന്ദ്രോദയം പോല്‍
ചേതോഹരി നീ വിടര്‍ന്നു നിന്നു
മധുമാസ നാളില്‍ മലര്‍മഞ്ഞു രാവില്‍
പ്രിയേ നീ വിരുന്നു വന്നു
എന്നില്‍ പ്രിയേ നീ വിരുന്നു വന്നു ..

വെണ്‍കുളിര്‍ ചന്ദനപ്പൈങ്കിളി പോലെന്‍റെ
ഉന്മാദ സ്വപ്നത്തില്‍ ചിറകടിച്ചു
ആപദചൂടമൊരു ദിവ്യാനുഭൂതിതന്‍
അമൃതാനുരാഗങ്ങള്‍ ഞാനണിഞ്ഞു
അറിയാതെ ഞാനുണര്‍ന്നു .. [2]

ഒരു ഹര്‍ഷലഹരിയിലിന്നലെ ഞാന്‍ നിന്‍റെ
വിരലിലെന്‍ വിരല്‍ കൊണ്ടു തലോടിയപ്പോള്‍
ആനന്ദദായിയാം സ്വര്‍ഗീയനിര്‍വൃതിയില്‍
ആരോമലേ നാം ചേര്‍ന്നലിഞ്ഞു
നമ്മളില്‍ ചൂടുണര്‍ന്നു .. [2]