പറുദീസ പൊയ്പോയോരേ
പാപഭാരം ചുമന്നു തളർന്നോരേ
അത്താണിയാകുമവനിൽ നിങ്ങൾ
ആശ്വാസം തേടിക്കൊൾവിൻ (2)
അന്വേഷിപ്പാൻ ഇറങ്ങിയോരേ
അൾത്താര തേടുന്നോരേ (2)
സങ്കീർത്തനങ്ങളുമായ് നിങ്ങൾ ആ
സങ്കേതം കാത്തു കൊള്വിന്
(പറുദീസ...)
പാപാന്ധകാരങ്ങളിൽ വീണു
പാദമിടറുന്നോരേ (2)
ആകാശമോക്ഷ വാതില് നിങ്ങൾ
ആരാഞ്ഞു തേടിക്കൊള്വിന്
(പറുദീസ...)
കുമ്പിട്ടു നിന്നാ കാലടിയിൽ
കുമ്പസാരിക്കുന്നോരേ (2)
നിങ്ങൾ ഭാഗ്യമുള്ളോർ സ്വർഗ്ഗം
നിങ്ങൾക്കുള്ളതല്ലോ
(പറുദീസ...)