ഹോ....
പനിനീരു തൂവുന്ന പൂനിലാവേ
പതിനേഴു താണ്ടിയ പെൺകിടാവേ
മാനസം കണികാണും മാരിവില്ലേ
മായല്ലേ നീയെന്റെ ജീവനല്ലേ...
(പനിനീരു)
ഇല്ലില്ലം കാവിലിന്നു കാത്തിരുന്നൂ - പിന്നെ
അല്ലിപ്പൂംകുളങ്ങരെ കാത്തിരുന്നു.. (ഇല്ലില്ലം)
കാണുന്ന നേരത്തു നാണിപ്പതെന്തിനോ
കാനനക്കിളി പോലെ ഓടുന്നതെന്തിനോ..
(പനിനീരു)
പൂവായ പൂവെല്ലാം ചേർത്തുവച്ചു - നിന്നെ
പൂജിക്കാൻ പൂമാല കോർത്തു വച്ചു.. (പൂവായ)
ആശ തൻ കോവിലിൽ അനുരാഗദീപത്തിൽ
ആയിരം തിരിയുമായ് കാക്കുന്നു നിന്നെ ഞാൻ..
(പനിനീരു)