Ennenneykkumaay

എന്നെന്നേക്കുമായ് നീ മറഞ്ഞൂ ഞങ്ങളെ വേർപിരിഞ്ഞൂ
എങ്കിലുമോർമ്മ തൻ പൊന്നമ്പലങ്ങളിൽ
ഇന്നും കെടാവിളക്കല്ലോ നീ
അമ്മേ അമ്മേ അമ്മേ (എന്നെന്നേക്കുമായ്....)

ആയിരം നാമങ്ങൾ നാവിലുണർന്നാലും
അവിടുത്തെ നാമത്തിനു തുല്യമാണോ (2)
ആയിരം ഗാനങ്ങൾ കേട്ടുറങ്ങീടിലും
അവിടുത്തെ താരാട്ടിൻ ഈണമാമോ
അമ്മേ അമ്മേ അമ്മേ (എന്നെന്നേക്കുമായ്....)

ആയിരം വിഭവങ്ങൾ ആരു വിളമ്പീടിലും
അവിടുത്തെ പാൽച്ചോറിനു തുല്യമാമോ (2)
ആയിരം ദൈവങ്ങൾക്കമ്പലം തീർത്താലും
അവിടുത്തെ പൂജക്കു തുല്യമാമോ
അമ്മേ അമ്മേ അമ്മേ (എന്നെന്നേക്കുമായ്....)