Amtadane vachchi kaasu naabadbamdhumdu hari

Title (Indic)	అంతటనే వచ్చి కాచు నాపద్బంధుఁడు హరి
Work	Annamayya songs
Language	Telugu

Credits
Role	Artist
Writer	Annamacharya

Lyrics

Telugu

(॥పల్లవి॥)
అంతటనే వచ్చి కాచు నాపద్బంధుఁడు హరి
వంతుకు వాసికి నతనివాఁడనంటేఁ జాలు

(॥అంత॥)
బంతిఁగట్టి నురిపేటి పసురము లెడ నెడఁ
బొంత నొక్కొక్క గవుక వుచ్చుకొన్నట్టు
చెంతల సంసారము సేయు నరుఁడందులోనె
కొంత గొంత హరి నాత్మఁ గొలుచుటే చాలు

(॥అంత॥)
వరుసఁ జేఁదు దినేవాడు యెడ నెడఁ గొంత
సరవితోడుతఁ దీపు చవిగొన్నట్టు
దురితవిధులు సేసి దుఃఖించు మానవుఁడు
తరవాత హరిపేరు దలఁచుటే చాలు

(॥అంత॥)
కడుఁ బేదైనవాఁడు కాలకర్మవశమున
అడుగులోనే నిధాన మటు గన్నట్టు
యెడసి శ్రీవేంకటేశు నెరఁగక గురునాజ్ఞ
పొడగన్నవానిభక్తి పొడముటే చాలు

English

(||pallavi||)
aṁtaḍane vachchi kāsu nābadbaṁdhum̐ḍu hari
vaṁtugu vāsigi nadanivām̐ḍanaṁṭem̐ jālu

(||aṁta||)
baṁtim̐gaṭṭi nuribeḍi pasuramu lĕḍa nĕḍam̐
bŏṁta nŏkkŏkka gavuga vuchchugŏnnaṭṭu
sĕṁtala saṁsāramu seyu narum̐ḍaṁdulonĕ
kŏṁta gŏṁta hari nātmam̐ gŏlusuḍe sālu

(||aṁta||)
varusam̐ jem̐du dinevāḍu yĕḍa nĕḍam̐ gŏṁta
saravidoḍudam̐ dību savigŏnnaṭṭu
duridavidhulu sesi duḥkhiṁchu mānavum̐ḍu
taravāda hariberu dalam̐suḍe sālu

(||aṁta||)
kaḍum̐ bedainavām̐ḍu kālagarmavaśhamuna
aḍugulone nidhāna maḍu gannaṭṭu
yĕḍasi śhrīveṁkaḍeśhu nĕram̐gaga gurunājña
pŏḍagannavānibhakti pŏḍamuḍe sālu

You are here

Amtadane vachchi kaasu naabadbamdhumdu hari

Lyrics

Lyrics search

Other songs