Enre svapnattin maaligayil

എന്റെ സ്വപ്നത്തിന്‍ മാളികയില്‍
ഏഴുനില മാളികയില്‍
എന്നെയും നിന്നെയും കാത്തു നില്‍ക്കുന്നു
സുന്ദരമധുവിധുദിനങ്ങള്‍ (എന്റെ സ്വപ്നത്തിന്‍)

എന്റെ പ്രേമത്തിന്‍ ഗോപുരത്തില്‍
ഏകാന്ത ദന്തഗോപുരത്തില്‍
നിനക്കായ് വിരിച്ചൊരു നീരജമലര്‍മെത്ത
നിന്നെ മാടി വിളിക്കുന്നു..
നിന്നെ മാടി വിളിക്കുന്നു (എന്റെ സ്വപ്നത്തിന്‍)

ചൈത്രദേവതേ നിനക്കുവേണ്ടി
ഉദ്യാനപാലകനീ ഉപവനത്തില്‍
ഉല്ലസിച്ചാടുമ്പോള്‍ താമരനൂലിനാല്‍
ഊഞ്ഞാലൊരുക്കിയിരിക്കുന്നൂ
ഊഞ്ഞാലൊരുക്കിയിരിക്കുന്നൂ (എന്റെ സ്വപ്നത്തിന്‍)