Unmaadam karalilorunmaadam

ഉന്മാദം കരളിലൊരുന്മാദം
കനവുകളില്‍ പാടും വനമുരളി
ആത്മാവില്‍ പൊന്‍‌തൂവല്‍ പെയ്തുനിന്ന സന്ധ്യേ
എന്‍റെ സ്വപ്നസന്ധ്യേ വൈകിവന്നതെന്തേ
(ഉന്മാദം)

ഈ നിശാഗന്ധിതന്‍ വാടിയ ചില്ലയില്‍
നിത്യരോ‍മാഞ്ചമാം പൊന്‍‌‌മലര്‍ ചൂടി നീ
ശ്യാമയമുനേ... ദേവയമുനേ...
നിന്‍റെ തീരം തേടിവന്നൊരു പനിനീര്‍ത്തിങ്കള്‍ ഞാന്‍
(ഉന്മാദം)

എന്തിനെന്‍ മൗലിയില്‍ പൊന്‍‌മയില്‍പ്പീ‍ലികള്‍
ചാര്‍ത്തുവാന്‍ വന്നു നീ മുഗ്ദ്ധവാസന്തമേ
ദേവാംഗനേ.... ഗോപാംഗനേ.....
എന്തിനെന്നെ പുല്‍കിനിന്നു തെന്നല്‍ക്കുളിരേ നീ‍
(ഉന്മാദം)