Ninre kannil virunnu vannu [M]

നിന്റെ കണ്ണില്‍ വിരുന്നുവന്നു നീലസാഗരവീചികള്‍ (2)
പുഞ്ചിരിക്കൊരു പൂച്ചെണ്ടു തന്നു പുഷ്യരാഗമരീചികള്‍
നിന്റെ കണ്ണില്‍ വിരുന്നുവന്നു നീലസാഗരവീചികള്‍ (2)

അന്തിമേഘം വിണ്ണിലുയര്‍ത്തി നിന്റെ കവിളിന്‍ കുങ്കുമം (2)
രാഗമധുരം നെഞ്ചിലരുളി രമ്യമാനസസംഗമം
വാനഗംഗ താഴെവന്നു പ്രാണസഖിയെന്‍ ജീവനില്‍
നിന്റെ കണ്ണില്‍ വിരുന്നുവന്നു നീലസാഗരവീചികള്‍ (2)

താമരകുട നീര്‍ത്തി നിന്നു തരള ഹൃദയസരോവരം (2)
ചിന്തുപാടി മന്ദപവനന്‍ കയ്യിലേന്തി ചാമരം
പുളകമുകുളം വിടര്‍ന്നു മിന്നി പ്രേയസീ നിന്‍ മേനിയില്‍

നിന്റെ കണ്ണില്‍ വിരുന്നുവന്നു നീലസാഗരവീചികള്‍
പുഞ്ചിരിക്കൊരു പൂച്ചെണ്ടു തന്നു പുഷ്യരാഗമരീചികള്‍
നിന്റെ കണ്ണില്‍ വിരുന്നുവന്നു നീലസാഗരവീചികള്‍ (2)