ല ല ല ല ല ....
പൊന്നോലപ്പന്തലില്‍ വേളിപ്പെണ്ണായെന്റെ
സ്വയംവര രാജകുമാരീ വരുമോ
ആവണിത്താമര മാലയിടും ഞാന്‍
അരമന മണിയറക്കിളിയായ് മാറും
സ്വപ്നത്തില്‍ മംഗല്യക്കൂടാരം തീര്‍ക്കും
പാതിരാ തോണിയില്‍ നീയിന്നു വരുമോ
(പൊന്നോല )
പൂവണി മേടയില്‍ മാറോടു ചേര്‍ന്നെന്റെ
കരളേ നീയെനിക്കെന്തു തരും
ആരോരുമറിയാതെ നോമ്പെടുത്തൊരുക്കിയ
പ്രേമോദാര മധു പകരും
അടി തൊട്ടു മുടി വരെ അലങ്കരിക്കാം നിന്നെ
മൂവന്തി കുങ്കുമം ചാര്‍ത്താം
അനുരാഗാര്‍ദ്ര രഹസ്യങ്ങളിലെ
രതിപരാഗമണിയാം
(പൊന്നോല )
മലര്‍മിഴിയഴകുള്ളൊരോമനക്കുഞ്ഞിനു
താലോലം പാടും ഒരുനാള്‍ ഞാന്‍
കടിഞ്ഞൂല്‍ക്കനവിലെ രാജകുമാരന്
പനിനീര്‍ മഞ്ചമൊരുക്കും ഞാന്‍
പിച്ചവച്ചു കളിപ്പതു പെണ്മണിയെങ്കില്‍
മുത്തശ്ശി പേര് വിളിക്കും
സാഫല്യങ്ങള്‍ നിറപറ വയ്ക്കും
ജന്മമാകെ നിറയും
(പൊന്നോല )
