Pudiyoru pulari

പുതിയൊരു പുലരി വിടര്‍ന്നു മണ്ണില്‍
പുതിയൊരു ഗാനവുമുയര്‍ന്നൊഴുകി
ഇന്നല്ലോ ഇന്നല്ലോ വിണ്ണിന്റെ നാഥനീ
മണ്ണില്‍പ്പിറന്നൊരു മംഗളസുദിനം
ആഹാ..... ആഹാ......

മണ്ണിന്റെ ശാപം അകറ്റിടാനായി
ദൈവം തന്‍ സൂനുവെ നല്‍കിയല്ലോ
ബെത്‌ലെഹേമിലൊരു ഗോശാല തന്നില്‍ താന്‍
ജാതനായി വാണിടുന്നു

വാനവര്‍ പാടുന്ന നവ്യഗാനം
മാനവരൊന്നായി പാടിടട്ടെ
അത്യുന്നതങ്ങളില്‍ സ്തോത്രം മഹേശനു
പാരില്‍ ശാന്തി മാനവര്‍ക്ക്