നക്ഷത്രമുല്ലയ്ക്കും നമ്മുടെ സ്നേഹത്തിന്
പിച്ചകവല്ലിക്കും ജന്മനാള് ...ജന്മനാള്
ആതിരേ നീയുമെന് തോഴിയും
ഓര്മ്മതന് മോതിരം മാറുന്ന വെണ്ണിലാവ്
(നക്ഷത്ര)
ചിറകുണക്കാന് വരും വെയില്ക്കിളി നമ്മുടെ
ചിരി കേട്ടു കോരിത്തരിച്ചു പോയോ
(ചിറകുണക്കാന് )
ചിലമ്പിട്ട പുഴയുടെ കളിമുത്ത് കവരുന്നൊ -
രിളം തെന്നലിപ്പോള് ഉറങ്ങിയോ
ഉണര്ന്നിരിക്കാം നമ്മള് ഉണര്ന്നിരിക്കാം
ഉയിരിന്റെ തമ്പുരു ശ്രുതി ചേര്ക്കാം
(നക്ഷത്ര)
തുയിലുണര്ത്താന് വരും പാണന്റെ തുടിയിലും
ത്രിപുടയായ് ഉണരുന്നു നിന്റെ മോഹം
(തുയിലുണര്ത്താന് )
തിരിവെയ്ക്കും പുലരിതന് ചെന്തളിര് ചുണ്ടിലും
തിരുമധുരം പോലെ ഈ ഒരു രഹസ്യം
ഇനിയുറങ്ങാം നമ്മള്ക്കിനിയുറങ്ങാം
ഇഴനേര്ത്ത സ്വപ്നങ്ങള് പുതച്ചുറങ്ങാം
(നക്ഷത്ര)