Annoruraavil ponkinaavil vannu nee

അന്നൊരു രാവില്‍ പൊന്‍ കിനാവില്‍ വന്നുനീ
നിന്‍ കൈകളെന്നെ മന്ത്രകോടി ചാര്‍ത്തിച്ചു
സ്വപ്നത്തിന്‍ സൌഗന്ധികപ്പൂകൊഴിഞ്ഞു
തല്‍പ്പത്തില്‍ കണ്‍ തിരുമ്മി ഞാനിരുന്നു
വീണപൂവിന്‍ കവിളില്‍ തലോടി
പാടിയാദ്യമായ് നിന്നെയോര്‍ത്തുഞാന്‍ പ്രേമവതിയായ്

മുന്തിരിതന്‍ മൂവിലയാല്‍ പണ്ട്
നാണം മറച്ചകാലം
നിന്‍ കിനാവില്‍ കണ്ടവള്‍ ഞാന്‍ എന്നും
നിന്‍പാതിമെയ്യാണു ഞാന്‍
പാനകേളിയില്‍ പാണിമുത്തിനാം
പാടുമിനിയൊന്നായ്

വര്‍ണ്ണങ്ങള്‍ പൂക്കും പൊന്‍ കിനാവു നേരല്ലാ
കണ്ണഞ്ചുമേതു മാരിവില്ലിന്‍ പൂഞ്ചില്ലാ
മായാത്ത സ്വപ്നമുണ്ടോ പൂക്കളുണ്ടോ?
മാനസ മോഹങ്ങള്‍ ചഞ്ചലങ്ങള്‍
വാഴ്വിന്‍ യാത്രാവഴികള്‍ പിരിഞ്ഞു
നിന്നൊടിന്നിതാ നന്നിയോതിഞാന്‍
യാത്ര തുടരുന്നു

എന്മനസ്സിന്‍ താളുകളില്‍ നിന്റെ
സൌവര്‍ണ്ണരൂപം മാത്രം
നിന്മനസ്സിന്‍ താളില്‍ നിന്നും കാലം
മെല്ലെയതു മായ്ക്കുമല്ലോ
സ്വീകരിക്കുകീ സ്നേഹമാനസം
മാപ്പുതരികില്ലേ?

അന്നൊരുരാവില്‍ പൊന്‍ കിനാവില്‍ വന്നുവോ?
നിന്‍ കൈകളെന്നെ മന്ത്രകോടി ചാര്‍ത്തിച്ചോ?