Svarggavaadilegaadasi

സ്വര്‍ഗ്ഗവാതിലേകാദശി വന്നൂ
സ്വപ്നലോലയായ് ഞാനുണര്‍ന്നു
ഹരിനാമകീര്‍ത്തനത്തിന്‍ സ്വരധാരയില്‍
ഗുരുവായൂര്‍ ദേവനെ കണികണ്ടുഞാന്‍

മണിവര്‍ണ്ണനണിയുന്ന പീതാംബരം
മനതാരില്‍ വിരിയിച്ചു കനകാംബരം
സ്വപ്നമല്ലാ... മായയല്ലാ...
സ്വര്‍ഗ്ഗനാഥനെന്മുന്നില്‍ വന്നു ആ
സ്വര്‍ഗ്ഗനാഥനെന്മുന്നില്‍ വന്നൂ

ഭക്തിപുഷ്പമാലകള്‍ കോര്‍ക്കും ഞാന്‍
ഭഗവാന്റെ തിരുമാറില്‍ ചാര്‍ത്തും ഞാന്‍
പുഷ്പമല്ലാ‍... തീര്‍ഥമല്ലാ....
ജീവഗാനം ഞാന്‍ കാഴ്ച വയ്ക്കും എന്‍
ജീവഗാനം ഞാന്‍ കാഴ്ച വയ്ക്കും