കണ്ണേ ചെല്ലക്കണ്ണേ വാവോ വാവോ വാവേ താനേ താലേലോ
മുത്തേ മുല്ലത്തെല്ലേ മൂളും തത്തേ വായോ താളം താരാട്ടാം
വെള്ളിനിലവേ മടിയില്‍ മയങ്ങാം മാമൂട്ടാം
നിന്‍മിഴിയിലിതാ അഴലായി ഒരു പാവം പാട്ട്
കണ്ണേ നീയുറങ്ങു് താലേലോ താലേലോ
കണ്ണേചെല്ലക്കണ്ണേ.......
ഏതോ സായംസന്ധ്യാനേരം വിണ്ണില്‍പൂക്കും നക്ഷത്രംപോല്‍
മെല്ലേ നീയെന്നില്‍ പൂത്തല്ലോ
ആരോപാടും പാട്ടിന്‍ പൂവല്‍ തൂവല്‍മഞ്ഞില്‍ പെയ്യും
രാവില്‍ നീയെന്‍ നെഞ്ചോരം ചാഞ്ഞല്ലോ
ഒരു നിലാപ്പൂപ്പാടം കരുതി ഞാന്‍ നിനക്കായി
ഇളവെയില്‍ പൊന്‍നാണ്യം ഉരുകി നിന്നുടലായി
കണ്ണേ നീയുറങ്ങ് താലേലോ താലേലോ
കണ്ണേചെല്ലക്കണ്ണേ.....
മായാമന്ത്രപ്പീലിത്തെന്നല്‍ മാനംമൂടും മേഘങ്ങള്‍പോല്‍
നിന്‍റെ വാര്‍മെയ്യില്‍ ചേരുമ്പോള്‍
കണ്ണിന്മുമ്പില്‍ക്കാണ്‍മൂ കണ്ണാ കാളിന്തിപ്പൊന്‍ ഓളങ്ങള്‍ പോല്‍
നിന്‍ കായാമ്പൂ മെയ്യാവാന്‍
ഒരു മുളംതണ്ടായി നിന്‍ ചുണ്ടില്‍ ഞാന്‍ അലിയാം
ഒരു തരിപ്പൂവെണ്ണയായ് മൊഴികളില്‍ നുരയാം
കണ്ണേ നീയുറങ്ങ് താലേലോ താലേലോ
കണ്ണേ ചെല്ലക്കണ്ണേ.....
താലേലോ താലേലോ
