Ajnyaaada puspame

അജ്ഞാതപുഷ്പമേ അഭിരാമപുഷ്പമേ
ഏതുസ്വര്‍ണ്ണ താഴ്വരയില്‍ വിടര്‍ന്നൂ നീ
ഏതുവനമണ്ഡപത്തില്‍ വളര്‍ന്നൂ നീ
അജ്ഞാതപുഷ്പമേ....

കൂടുവിട്ടു പറന്നുപോകും കുഞ്ഞാറ്റപ്പൈങ്കിളീ
നിന്‍ കുരുന്നിളം കരളിലെന്റെ നൊമ്പരം
പൂവല്‍ച്ചിറകുകള്‍ തളര്‍ന്നുപോയോ
നിന്റെ പൂവനവീഥികള്‍ പിഴച്ചുപോയോ?
ആഹാ ഓഹോ ആഹാ

നൂലുപൊട്ടിപ്പറന്നുവീഴും കടലാസുപട്ടമേ
നിന്‍ കഥയെന്നോടോതുകനീ സാദരം
പൊട്ടിയ നൂലുകള്‍ ഞാന്‍ ചേര്‍ത്തുകെട്ടാം
നിന്റെ മോഹനകാമനകള്‍ വിടര്‍ന്നിടട്ടേ
ആഹാ ഓഹോ ആഹാ