മാമ്പുള്ളി മറുകുള്ള മിടുക്കിപ്പെണ്ണു്
മയില്പ്പീലിക്കണ്ണുള്ള മൊഞ്ചത്തിപ്പെണ്ണു്
മുത്തൊളി ചിതറണ പുന്നാരം
ചാട്ടുളി വീശണ തിരനോട്ടം
അക്കരെ നിന്നു വരുന്നൊരു മാരനു്
പെണ്ണൊരു കന്നി വിരുന്നാണു്...
കാണാന്...ഇവളെന്നും പതിനാലാം രാവാണു്....
മാമ്പുള്ളി മറുകുള്ള മിടുക്കിപ്പെണ്ണു്
മയില്പ്പീലിക്കണ്ണുള്ള മൊഞ്ചത്തിപ്പെണ്ണു്...
മുഹബ്ബത്തിന് കിളിവാതില് തുറന്ന നേരം
മണവാട്ടിപ്പെണ്ണിനെന്തേ നാണം...(2)
ആയിരം മിസ്ക്കാലു് മെഹറായി കണ്ടല്ലോ
മണിയറ ഒരുങ്ങിയല്ലോ...
കന്നിപ്പെണ്ണേ അമ്പിളിമുത്തേ...
പച്ചപ്പനങ്കിളിച്ചേലുള്ള പെണ്ണേ...(2)
ചൊല്ലെടി നിന്റെ ഖല്ബിലു് നല്ല മാപ്പിളപ്പാട്ടാണോ...
മോഹക്കുരുന്നാണോ.....മോഹക്കുരുന്നാണോ.....
കൈകൊട്ടിച്ചിരിയുടെ തകൃതികള് കേട്ടു്
പുതുമണവാളന് ഒരുങ്ങണ രാവില്...(2)
കണ്ണും കണ്ണും കടുകുവറക്കണ നേരം വരുമല്ലോ...
കരിവളപോലും കൊഞ്ചിമയങ്ങണ മധുവിധു വരുമല്ലോ
അവനൊരു മധുരം തരുമല്ലോ...
സുബര്ക്കത്തുന്നിറങ്ങും നിന് മണിച്ചെറുക്കന്
കടലേഴും കടന്നെത്തും മാരന്...(2)
പതിനേഴാം ബഹറിന്റെ പടിപ്പുരമുറ്റത്തു്
പെറ കണ്ടു നിന്നവനേ....
നിക്കാഹല്ലേ...ബേജാറെന്തേ....
കാനോത്തൊന്നു കഴിഞ്ഞോട്ടെ കണ്ണേ ...(2)
പുഞ്ചിരിതഞ്ചണൊരോമനച്ചുണ്ടില് മയിലാഞ്ചിപ്പാട്ടാണോ...
മൂവന്തിച്ചോപ്പാണോ.....മൂവന്തിച്ചോപ്പാണോ.....
മുത്തുവിളക്കു കെടുത്തണ രാവില്
അത്തര് മണക്കണ മെത്തവിരിപ്പില്..(2)
മുത്തേ എന്നു വിളിച്ചെതിരേല്ക്കാന് മദനന് വരുമല്ലോ
കവിളില് വിടരണ കള്ളനാണമിതെങ്ങനൊളിക്കും നീ....
കരളേ എങ്ങനൊളിക്കും നീ....
(മാമ്പുള്ളി മറുകുള്ള....)