Sundararaavil

സുന്ദരരാവില്‍ ചന്ദനമുകിലില്‍
മന്ത്രങ്ങളെഴുതും ചന്ദ്രികേ
അനുരാഗത്തിന്‍ ആദ്യനൊമ്പരം
ആത്മനാഥനോടെങ്ങിനെ പറയും
(സുന്ദരരാവില്‍...)

വാസരസ്വപ്നം ഇതളുകള്‍ വിരിക്കും
വാടിക്കൊഴിയും രാവിന്‍ മടിയില്‍
ആയിരം കഥകള്‍ പറയാന്‍ കൊതിക്കും
അരികത്തു കണ്ടാല്‍ അടിമുടി വിറയ്ക്കും
എങ്ങിനേ എങ്ങിനേ പറയുവതെങ്ങിനേ (സുന്ദരരാവില്‍..)

ആ വിളി കേള്‍ക്കാന്‍ ആ മാറില്‍ ചായാന്‍
ആ കാലടിയില്‍ മലരായി വീഴാന്‍
ആത്മാവാം കിളി കൊതി തുള്ളുന്നു (ആത്മാവാം)
അന്തര്‍ദ്ദാഹമിതെങ്ങിനെ പറയും
എങ്ങിനേ എങ്ങിനേ പറയുവതെങ്ങിനേ (സുന്ദരരാവില്‍..)