നാലുമൊഴിക്കുരവയുമായ് നാടോടിപ്പാട്ടുമായ്
നാണം കുണുങ്ങിവരും തേനരുവി -
നാടെവിടെ വീടെവിടെ തേനരുവീ
മാനത്തുന്നെങ്ങാനും പൊട്ടിവീണോ
മണിമലയോരത്തുന്നോടി വന്നോ
മാനത്തുന്നെങ്ങാനും പൊട്ടിവീണോ
മണിമലയോരത്തുന്നോടി വന്നോ
ഇല്ലില്ലം കാവിലുള്ള കാറ്റു വന്നേ - കാതില്‍
കിന്നാരം ചോദിച്ചതെന്താണ്
കാതില്‍ കിന്നാരം ചോദിച്ചതെന്താണ് (നാലുമൊഴി)
പാലയ്ക്കാ പൂത്താലിയാരു തന്നൂ
പട്ടുടയാടകളാരു തന്നൂ
നക്ഷത്രക്കിങ്ങിണി ചാര്‍ത്തിച്ചേ - നിന്നെ
നൃത്തം പഠിപ്പിച്ചതാരാണ് - നിന്നെ
നൃത്തം പഠിപ്പിച്ചതാരാണ് (നാലുമൊഴി)
മുങ്ങിത്തുടിച്ചു കുളിച്ചോട്ടേ - ഒന്നു
മുങ്ങാംകുഴിയിട്ടു വന്നോട്ടേ
മൂളുന്ന വണ്ടേ മുരളുന്ന വണ്ടേ
പൂമരച്ചോലയില്‍ തേനുണ്ടോ - നിന്റെ
പൂമരച്ചോലയില്‍ തേനുണ്ടോ (നാലുമൊഴി)
