Maanatte malamugil

മാനത്തെ മഴമുകില്‍ മാലകളേ
ചേലൊത്ത മാടപ്പിറാവുകളേ
തുളുനാടന്‍ കളരിയില്‍ പോയ്‌വരാമോ എന്റെ
കുറിമാനം കൊണ്ടുനീ നല്‍കാമോ?

മുല്ലപ്പൂബാണനെപ്പോല്‍ മെയ്യഴകുള്ളോരെന്‍
കല്യാണമുറച്ചെറുക്കന്‍ അവിടെയുണ്ടോ?
കണ്ടാലോ സുന്ദരന്‍ എന്റെ മാരന്‍
കരവാളെടുത്താലും കരളലിവുള്ളവന്‍
മാനത്തെ....

ഏഴാംകടലോടിവന്ന വീരാളിപ്പുടവയുമായ്
എന്നവന്‍ വരുമെന്നു ചോദിക്കാമോ?
പൂമെത്ത നീര്‍ത്തി ഞാന്‍ കാത്തിരിക്കും
മട്ടിപ്പാല്‍ പുകച്ചു ഞാന്‍ കാത്തിരിക്കും
മാനത്തെ.....