Tredaayugattile

ത്രേതായുഗത്തിലെ സീതയല്ലാ
നീ ആദിപാപം ചെയ്‌ത ഹവ്വയല്ലാ
താഴോട്ടു താഴാന്‍ ഭൂമി പിളരില്ല
താങ്ങാന്‍ ആദാം കൈനീട്ടില്ല
(ത്രേതായുഗത്തിലെ)

പാറിപ്പറക്കാന്‍ തുടങ്ങുന്നതിന്‍ മുമ്പ്
കൂരമ്പേറ്റൊരു ശാരിക നീ
ഉദ്യാനദേവിയെ യക്ഷിയായ് കണ്ടൊരു
ഭദ്രകഥയിലെ നായിക നീ - ഏതോ
ക്ഷുദ്രകഥയിലെ നായിക നീ...
(ത്രേതായുഗത്തിലെ)

പാവമാം നിന്‍ കഥ പാട്ടായ് വാര്‍ത്തയായ്
പൈങ്കിളിക്കഥയായ് തീരുന്നു
നോട്ടായി മാറുന്നു, ഉച്ചപ്രഭാഷിണികള്‍
വോട്ടായി നിന്നെ മാറ്റുന്നു
(ത്രേതായുഗത്തിലെ)