പൊന്‍കിനാവല്ലേ പൂത്തിടമ്പല്ലേ
തുള്ളിയോടും പുള്ളിമാനല്ലേ
എൻമനമണിയറയില്‍ പൊന്മണി നിലവറയില്‍
മായിക മലര്‍ മയിലായ് പീലികള്‍ വിതിരുകയോ
പൂക്കാക്കൊമ്പില്‍ കൂവിപ്പാടും പൂവേ ...
(പൊന്‍കിനാവല്ലേ ...)
നാട്ടു മഞ്ഞിന്‍ കണമാണോ പാട്ടുപാടും കുയിലാണോ
പകലിന്‍ തണലില്‍ കുറുകും പ്രാവാണോ
കാത്തിരുപ്പിന്‍ സുഖമാണോ കാതില്‍ മൂളും ശ്രുതിയാണോ
കനവില്‍ വിരിയും മഴവില്ലഴകാണോ
എന്റെ നിറുകില്‍ പെയ്തുനിറയും
എന്റെ നിറുകില്‍ പെയ്തുനിറയും മന്ത്ര മധുവാണോ
മലര്‍ മിഴിയിതളുകള്‍ മനസ്സിലെ വനികയില്‍
അരുളുമൊരസുലഭ ശുഭലയ പരിമള നീഹാരം..
(പൊന്‍കിനാവല്ലേ ...)
വെണ്ണിലാവിന്‍ ചിറകേറി വേണുഗാന ശ്രുതി തേടി
കരളിന്‍ കടവില്‍ പടരും രാവാണോ
ഇന്ദ്രനീലത്തുകില്‍ ചൂടി ചന്ദ്രകാന്തത്തേരേറി
നിഴലിന്‍ വഴിയില്‍ വിടരും വാവാണോ
എന്റെ പനിനീര്‍ ചുണ്ടിലുണരും
എന്റെ പനിനീര്‍ ചുണ്ടിലുണരും ചെണ്ടുമലരാണോ
പരിഭവമലരുകള്‍ തുരുതുരെ വിരിയുമൊ-
രുടലിലെയമൃതിനു വിരലുകള്‍ പരതിയ ശൃംഗാരം..
(പൊന്‍കിനാവല്ലേ ...)
