കൂടില്ലാക്കിളികള്‍ കൂട്ടുചേര്‍ന്ന കിളികള്‍
വാനം മറന്നു പാടും വസന്തദൂതികള്‍
പുതുനാമ്പുകള്‍ വിരിയും കരളുകളില്‍ ഉതിരും
കവിതയുമായ് പാറിവരും കളമൊഴികള്‍ നമ്മള്‍
(കൂടില്ലാ...)
കയ്യെത്താദൂരത്താ ചക്രവാളങ്ങള്‍
പകലെല്ലാം നീന്തുന്ന രാജഹംസങ്ങള്‍
മണ്‍‌തരിയില്‍പ്പോലും മഴവില്ലുകള്‍ തിരയും
മിഴിയിണകള്‍ നമ്മള്‍, കതിരൊളികള്‍ നമ്മള്‍
കൂടില്ലാക്കിളികള്‍ കൂട്ടുചേര്‍ന്ന കിളികള്‍
കുറുമൊഴികള്‍... നറുമൊഴികള്‍...
ജീവന്റെ പൂവനിയില്‍ പഞ്ചവര്‍ണ്ണങ്ങള്‍
താരുണ്യം തിരിവയ്‌ക്കും പുഷ്പതാലങ്ങള്‍
വഴിമലരില്‍പ്പോലും വനഭംഗികള്‍ കാണും
ഇന്ദ്രജാലങ്ങള്‍ മന്ത്രവാദങ്ങള്‍...
(കൂടില്ലാ...)
