കാളിയ്ക്ക് ഭരണിനാളിൽ കുത്തിയോട്ടം
കാവിലെ ഭഗവതിയ്ക്ക് തിരുമുടിയാട്ടം
കുത്തിയോട്ടം കാണാം, മുടിയാട്ടം കാണാം,
കുഞ്ഞുമോളേ നീ കുണുങ്ങി വാ
എന്റെ പൊന്നുമോളേ നീ കുണുങ്ങി വാ..
കർക്കിടകത്തിലെ പമ്പയാറും
എന്റെ കാക്കക്കറുമ്പിയും ഒന്നുപോലെ
എന്നു നീ ഇണങ്ങും
എന്നു നീ പിണങ്ങും
എങ്ങിനെ അറിയുമെടീ, തങ്കം
എങ്ങിനെ അറിയുമെടീ...
കന്നിക്കുളപ്പാല പാൽക്കുടവും
എന്റെ കള്ളീടെ മോഹവും ഒന്നുപോലെ
എന്നു നീ നിറയും
എന്നു നീ ഒഴിയും
എങ്ങിനെ അറിയുമെടീ, തങ്കം
എങ്ങിനെ അറിയുമെടീ...