Hamsagaanamaalabikkum

ഹംസഗാനമാലപിക്കും ഹരിണാംഗി
ദേവതീര്‍ഥമാടിവരും സുഷമാംഗി
വികാരവതിയാം എനിക്കുനീയൊരു
വൃന്ദാവനമൊരുക്കൂ....

കാമുകസമാഗമം കാക്കും രാധയുടെ
കാതരഹൃദയം നീയെനിക്കുനല്‍കൂ
കാര്‍ത്തികപ്പൂക്കൂടയ്ക്കുള്ളില്‍നിന്നെനിക്കൊരു
കനകാംബരമാല കോര്‍ത്തുതരൂ
കോര്‍ത്തുതരൂ.........

കാഞ്ചനപ്പാദസരം അണിയുമീ കാളിന്ദി
കരകള്‍ക്കുമുത്തുവാരി കൊടുക്കുമ്പോള്‍
ശൃംഗാരമുരളിയുമായെത്തുമെന്‍ കണ്ണനുഞാന്‍
സര്‍വ്വവും കാഴ്ചവച്ചു സല്‍ക്കരിക്കും
സല്‍ക്കരിക്കും.......