Poovudal pulgum taarunyam

പൂവുടല്‍ പുല്‍കും താരുണ്യം
പൂമഴ തൂകും താരുണ്യം
എന്നിലും നിന്നിലും മണ്ണിലും വിണ്ണിലും
താരിലും തളിരിലും വാരിപ്പുണരും താരുണ്യം

ചന്ദനച്ചാറില്‍ മുങ്ങിനീരാടി മന്ദസമീരന്‍ വന്നു
ചഞ്ചലം കൊള്ളും നെഞ്ചിലീ നാദം
സംക്രമമാക്കിത്തന്നു
പുതുമഞ്ഞലതന്‍ പൂങ്കുളിരാലെ
പുളകം നെയ്യും വഴിയില്‍
കയ്യുംകയ്യും കോര്‍ത്തുനടക്കും
മെയ്യും മെയ്യും ചേര്‍ന്നുതുടിക്കാനെന്തുരസം!
എന്തുരസം!

ആ........
ഇന്നിനിപ്പൂവിനുള്ളിലെ വര്‍ണ്ണം സ്വന്തമാക്കീ മധുപന്‍
ഓരിതള്‍ത്തുള്ളി മാധുരി തൂകും രാഗവിലാസവിലോലന്‍
ഒരുനിര്‍വൃതിയില്‍ അലിഞ്ഞു ചേരും സുരഭിലമാമീ നിമിഷം
തമ്മില്‍ത്തമ്മില്‍ നോക്കിയിരിക്കാന്‍
ഒന്നായൊന്നില്‍ ചേര്‍ന്നുലയിക്കാനെന്തുരസം!
എന്തുരസം!